На 12.02.2009, во четврток во Струмичкиот театар „Антон Панов“, премиерно ќе се одигра претставата „Огнено лице“ од Marius Fon Majenburg, во режија на Дејан Дамјановски. Станува збор за современ германски автор и текст, кој се занимава со современото живеење на еден „агресивно реалистичен“ начин. Претставата има форма на своевидно „театарско реално шоу“ во кое гледачот е воајер на животот на едно средно граѓанско семејство. Сите елементи на претставата се во функција на создавање на една „симулирана“ реалност во која дејствието на претставата се развива кон својот трагичен крај. Вреди да се види!