Актерот открива дека по снимањето на филмот Batman: The Dark Knight Rises ќе се откаже од хеланките и наметката.

„Снимањето е при крај и ова е последен пат кога го облечувам костимот на Бетмен“, рече Кристијан Бејл.

„Ова е моја последна соработка со Крис (режисерот Кристофер Нолан), барем што се однесува до ерата со Бетмен“, рече оскаровецот.

„Ерата“ почна во 2005 година со филмот Batman Begins кој заработи 372 милиони долари ширум светот. Следеше филмот The Dark Knight од 2008 во кој играше покојниот Хит Леџер и кој заработи милијарда долари.

Што се однесува до третото „облекување во хеланки“ на Бејл, би требало, според зборовите на режисерот, да биде најдобро. Во филмот The Dark Knight Rises играат Ен Хетавеј, Џозеф Гордон Левит, Том Харди, Гери Олдман, Мајкл Кејн и Морган Фриман.