Една американка од Бруквил, во сојузната држава Пенсилванија, била непријатно изненадена кога во локалниот весник видела некролог од себе.

За тоа ја известиле нејзините роднини кои му се јавиле на уредништвото за да известат дека извесната „почината личност“ се уште е жива и здрава, пренесуваат американските медиуми.

Со истрага е откриено дека некрологот го објавил нејзиниот 45 годишен син за од својот работодавец да добие слободен ден.

Тој и објаснил на полицијата дека се плашел дека ќе ја изгуби работата ако отсуствувал од истата.

Претставник од весникот кој го објавил некрологот рекол дека му поверувале на зборот затоа што изгледал многу срозено и тврдел дека припремите за погреб се во тек.