Има жени кои, без оглед на тоа колку се вљубени, повеќе размислуваат за храната отколку за својот партнер, покажа едно истражување.

Некои жени вложуваат многу повеќе напор во изборот на храна и броењето на калории, отколку во врската со партнерот, покажало истражување спроведено во Велика Британија.

Една од десет жени, кои учествувале во истражувањето, повеќе би се чувствувала виновна ако „згреши“ во изборот на некое јадење, отколку ако го изневери партнерот.

Исто така, повеќе од половина од испитаните жени признале дека повеќе размислуваат за храна отколку за секс.

Исто така, една од четири жени признала дека начинот на исхрана и е поважен од врската, како и дека за слабеење би вложиле повеќе напор отколку на зачувување на постоечката врска.

Истражувачите порачкуваат дека начинот на исхрана и општиот пристап на некоја личност кон храната би требало да биде начин на живот, а не постојана преокупација.

Исхраната е важна поради здравјето, а не поради изгледот, советуваат научниците и им порачуваат, посебно на помладите девојки, да им се посветат на своите партнери, да основаат семејства и да размислуваат на бременост - љубовта не знае за години, но младоста ја имаме само еднаш.