Додека дури и здравото ниво на загриженост може да биде поефикасно од извршување на работите, поради  избегнување опасност или учење од направените грешки, претераната грижа може да не чини здравје, да го замати расудувањето и да ни го нарауши мирот и среќата. За што поедноставно да се ослободите од преголемите грижи, Huffington Post состави неколку совети кои можат  да ви помогнат...

Никогаш не се грижете сами
Прво позборувајте со некого. Позната е поговорката која зборува за фактот дека две глави се попаметни од една, а и кога нешто ќе изговорите може ќе ви се чини помалку страшно.

Соберете ги сите факти
Најчесто се грижиме кога имаме недостаток на информации или имам целосно грешни информации. Во недостаток на факти вашиот ум "опасноста" ја претвора во "катастрофа" и секогаш го претставува најлошото.

Направете разлика меѓу лоша и добра загриженост
Свесно поставете ги работите кои ве опкружуваат и направете разлика меѓу грижата која е штетна по здравјето и добриот вид на загриженост. Позитивната загриженост ќе ве натера да решите некој проблем, а штетната загриженост ќе ве направи неефективни.

Оставете работите да одат по својот тек
Кога ќе почувствуате дека станувате анксиозни пробајте кон работите да пристапите така што ќе го решите тоа што го можете, чекор по чекор, а на останатото заборавете. Кога ќе се ослободите од грижата, ќе можете да го решите и тоа што мислевте дека не можете.

Грижете се за себе
Спијте доволно и пробајте да јадете здраво. Телесните вежби се многу добар лек против депресија и занксиозност. Пробајте што повеќе време да бидете во друштво на луѓе со кои имате добар однос.

Кога имате потреба наравете си распоред
Многу секојденвни грижи се поврзани со неорганизираноста. Често се грижиме дали нешто сме заборавиле, ќе стасаме ли на време или сме го оставиле шпоретот вклучен. Ако успеете малку подобро да го орагнизирате своето време (направете дневен распоред, пробајте да ги бележите работите кои треба да ги наравите) многу веројатно е дека ќе се грижите помалку.

Бидете духовити
Еден од најефикасните начини во борба против загриженоста е секако хуморот. Дружете се со забавни луѓе, погледнете хумористична серија или забавен клип на Јутуб и смејте се колку што можете. Хуморот го бистри умот.

Размислувајте позитивно
Иако ова е една од најголемите фрази кога е во прашање себепомагањето, добриот дел "држи вода". Акцентот во живото често е ставен на лошите работи кои се случуваат. Пробајте да мислите колку добри работи ви се имаат случено. И мали и големи работи.