Девојчињата често имаат подобри оценки од момчињата, посебно во основно училиште, затоа што се помирни и попослушни, покажало неодамнешно истражување.

Наставниците често на девојчињата им даваат подобри оценки отколку на момчињата затоа што тие се помирни за време на часот, покажало истражување неодамна спроведено во Америка.

Оцените, посебно во помладите одделенија во основно училиште, судејќи според резултатите на истражувањето, не се само одраз на знаењето кое детето го покажало, туку на нив влијае цела низа фактори, вклучувајќи го и тоа колку детето е уредно и организирано, но и однесувањето за време на наставата.

Бидејќи девојчињата обично се поуредни и помирни од момчињата, со самото тоа подобро ќе „поминуваат“ во училиште отколку момчињата кои покажуваат слично ниво на знаење.

За време на истражувањето се следени академските резултати во читање, математика и природни науки на 5.800 деца на возраст меѓу 6 и 12 години, а нализирани се и оценките базирани на анонимно тестирање и проценка на знаењето на учениците од страна на наставниците.

Излегло дека девојчињата при оценувањето се во мала предност во однос на момчињата, дури и ако на анонимните тестирања покажат исто ниво на знаење.