Харвард ja предводи листата на најдобрите универзитети во светот на "Times Higher Education", а во топ 100 наоѓаат место над 40 американски универзитети...
По Харвард се редат Масачусетс Институтот за технологија (МИТ) и Кембриџ универзитетот. Оксфордскиот универзитет се качува со две места во однос на минатата година до четвртото место, а Универзитетот Стенфорд паѓа на шестото место, поместен од Калифорнискиот универзитет, Беркли.
Во првите десет се наоѓаат уште универзитетот во Принстон, Калифорнискиот универзитет во Лос Анџелес, Токијскиот универзитет и Универзитетот Јеил.
Листата покажува значително подобрување за Австралија, која сега има шест Универзитети во топ 100, заземајќи го третото место по САД и Велика Британија.
Австралија пласираше два нови Универзитетот во топ 100 - овој во Нов Јужен Велс и универзитетот Монаш. Велика Британија има девет универзитети во топ 100 и се рангираше на второто место по САД. Вкупно 20 земји се претставени во класификацијата.
