Бакшишот е начин да му заблагодарите на келнерот за добрата услуга, но и на фризерот, козметичарот... Во некои земји, бакшишот е задолжителен, во некои тоа е навредлив гаст. Дали вие оставате бакшиш?

Бакшишот е израз на благодарност кон келнерот кој ве служел. Мала награда за фризерот, на пример, за доброто стрижење.

Количината на пари која ќе ја оставите не е точно утврдена и зависи од вашата лична волја и „состојбата во паричникот“.

Во некои земји бакшишот е задолжителен и точно утврден, најчесто неколку проценти од сумата на сметката која сте ја платиле.

Во Америка и Грција тоа е 10% од сметката, во Франција и Велика Британија е пресметан во цената, но не сте задолжени да го платите делот кој се однесува на бакшишот, доколку не сте задоволни од услугата.

Во Јапонија не оставајте бакшиш - тоа е навреда за келнерот. Дали вие оставате бакшиш?