Кралот на Свазиленд, Мсвати III ја избра 18-годишната учесничка во натпревар за убавина за 14-та сопруга, соопшти портпаролот на палатата...

"Потврдувам дека кралот ја претстави на земјата нова лифовела (кралска вереница)", изјави портпаролот Тимотеј Мтетва. 45-годишниот крал Мсвати, кој е последниот апсолутен монарх во супсахарска Африка, претстави избраницата Синдисва Дламини на танцовата забава викендот.

Таа носеше црвени пердуви на главата, во знак на кралска припадност. Младата жена завршила гимназија во Сент Францис во Мбабане минатата година и е финалистка на натпревар за убавина Мис културно наследство. Победничката ќе биде објавена на 28 септември.

Кралот беше остро критикуван поради начинот на живот на дворот, додека населението од 1,2 милиони луѓе на малиот планински Британија едвај врзува крај со крај. Се проценува дека Мсвати поседува богатство од околу 200 милиони долари (152 милиони евра), а според податоците на ОН 70% од неговите поданици живеат под прагот на сиромаштијата.

Свадбата ќе се случи откако свршеницата ќе забремени. Тогаш Дламини ќе стане 14-та сопруга на Мсвати.