Себичноста не е секогаш лоша работа. Луѓето кои секогаш мислат на другите често се многу несреќни затоа што нивните потреби никогаш не доаѓаат на ред. Сепак, претерувањето во себичноста може да ја уништи и најдобрата врска, а ова се знаци дека веќе дебело си ја поминала границата...

1.Се мора да биде по твое
Од изборот за тоа што ќе ручате до начинот на кој ќе го минувате слободното време, секоја ситница мора да биде баш така како што ти си замислила. Дури и ако нависитна мислиш дека твојата опција е без пропусти и е многу подобра од неговата, понекогаш мора да попуштиш и да му дадеш да победи.

2.Неговите потреби се секогаш зад твоите
Тој сака да гледа фудбал, тебе на другата програма ти е омилената серија. Тој е уморен, а тебе баш ти се излегува или обратно. Врската се состои од компромиси, но ако во твојот случај компромис значи дека ќе правите тоа што сакаш ти, без оглед на тоа како е тој расположен, себична си.

3.Не постои конструктивна критика
Секој негов начин со убаво да ти упати критика завршува со солзи, затоа што ти секоја замерка ја сваќаш како напад на твојата личност и негов начин да ти каже дека не те сака. Себичните луѓе често се толку убедени дека тоа што тие го прават е најдобро, па и самата помисла на критика им создава големи проблеми со егото.

4.Секогаш во центар на вниманието
Се е добро додека вниманието е насочено кон тебе, но штом некој друг го завземе, ти санува досадно или едноставно стануваш надразлива? Ова е честа појава кај себичните луѓе, а некои ќе ги пробаат сите можни трикови, па дури и ќе започнат мала кавга за погледот повторно се сврти кон нив.

5.Тешко им опростуваш на другите
Секој греши, а простувањето е многу подобро чувство отколку лутењето. Себичните луѓе, подобро би имале негативни односи со некого, отколку да признаат дека постои можност дека и двете страни биле виновни.