Членовите на бендот Black Eyed Peas на социјалните мрежи демантираат дека на групата ѝ дошол крајот...

Музичките медиуми пренесоа дека групата ќе соопшти дека се распаѓа по настапот на 8 октомври (денеска) на концертот „Мајкл засекогаш“ во Велс. Неименуван извор изјави вчера за британскиот Mirror дека концертот кој бендот ќе го одржи денеска ќе биде еден од последните заеднички настапи, но членовите на групата им порачуваат на фановите да не ги слушаат гласините.

„Не обраќате внимание на глупости. Јас сум основач на групата и лично ви порачувам - не се распаѓаме“, напиша Will.I.Am на својот Твитер профил.

Овој четиричлен бенд минатиот месец потврди дека ќе настапи на коцнертот во чест на кралот на попот, како и дека ќе одржи хуманитерен концерт во Њујорк.