Не им е доволно што се еден од најпопуларните и најпризнатите бендови на Земјата, сега сакаат да ја освојат и вселената.

Бендот кој повторно е во жариштето на јавноста поради нивниот нов албум Battle Born, кој по објавувањето ги сруши светските топ листи, планира, штом добие шанса, да одржи концерт на Месечината.

Тапанарот Рони Ванакси се надева дека понудата ќе ја добијат брзо и во шега кажува дека нивната свирка веројатно од вселената ќе се слушне на Земјата.

„Ако постои концерт на Месечината ние ќе бидеме таму. Рок на Месечината, тоа е она што го сакаме, а доволно сме ‘бучни’ да се слушнеме од вселената.“

Бендот моментално снима неколку спотови за синглови кои планираат да ги издадат од својот нов албум, а кон крајот на годината ќе тргнат на светска промотивна турнеја. Можеби ќе ја завршат со концерт на Месечината...