Немирите во Египет продолжуваат, а откако го соборија претседателот Мурси, деновиве на социјалните мрежи доминира „нов претседател“...



Се вика Али Ахмед и има само 12 години!

Во видео интервју, египетскиот ученик Али Ахмед донесе неверојатно точна осуда на Муслиманското братство, пишува Huffington Post. Неговото излагање, врз основа на факти, Уставот и законите, како и за реалниот живот во Египет, ќе ве остави без зборови!

Дискутира многу страствено и очигледно е добро информиран за прашања како што се нефер здравствена заштита во Египет, недостатокот на правата на жените, а особено прекумерното влијание на исламската религија во египетската политика, малиот Ахмед ја разоткрива лажната слика што владата на Мурси му ја испраќа на светот и муслиманското братство.

Иако видеото е снимено во октомври минатата година, од неодамна стана хит на социјалните мрежи, по што војската ја презеде власта и го смени досегашниот претседател Мохамед Мурси минатата среда.

Иако некои коментатори на Reddit предизвикаа сомневање за правилниот превод на интервјуто со 12-годишниот Еѓипќанин, арапски коментатори ја потврдија точноста на сите наводи.