Oд неодамна бразилската полиција има работа со нетипични криминалци. Тие разоткриле банда составена од шест атрактивни блондинки кои оперирале пред локалните шопинг центри и демнеле богати жени...

Девојките ги киднапирале богатите жени и им ги земале нивните кредитни картички, кои потоа ги искористувале до максимум на луди шопинг тури. Сите русокоси се згодни и високи, известила бразилската полиција за “BBC”, a покрај добри нозе имаат и високо образование и повеќето од нив говорат два или повеќе јазици.

Бандата од 2008 година извршила околу 50 "експрес киднапирања" во Сао Паоло и Рио де Жанеиро, а на самиот почеток провалувале во домови и ги киднапирале жените од нивните сопствени домови. Потоа измислиле подобар начин што остава многу помалку докази: се возеле со автомобил пред трговските центри и ги чекале младите богаташки, на кои поради дизајнерската облека и добриот изглед лесно им се приближувале.

Две русокоси ја грабнувале жртвата, ја киднапирале и ја држеле со часови, додека другите ја трошеле картичката во продавници и подигнувале пари на банкоматите. Неколку жртви изјавиле дека овие опасни девојки дури и ги тепале.

Полицијата засега уапсила само три девојки од бандата, но тврдат дека го знаат идентитетот на сите и дека наскоро ќе ги пронајдат.