По романот за возрасни, кој ја подели критиката, авторката на серијалот за Хари Потер вети дека нејзината следна книга ќе биде за деца.

Британската писателка Џоан К. Роулинг вели дека на својот компјутер веќе има неколку идеи за наредната книга, која ќе им биде наменета на младите читатели, но не открива кога планира истата да ја објави.

„Имам многу идеји и веројатно мојата следна книга ќе биде за деца и тинејџери. Имам неколку идеји за уште еден роман за возрасни, но сега не планирам да се занимавам со тоа.“

Нејзиниот најнов роман, „Обичниот одмор“ почнува со ненадејната смрт на еден селски политичар, кој остава празно место во општината во селото. Претстојните избори ќе направат хаос и ќе го извлечат најлошото од жителите на наизглед идиличниот Пагфорд.

Книгата по објавувањето е „разграбена“, иако некои од критичарите немаа баш зборови на пофалба.