Жена веќе десет дена живее на аеродромот во Канкун, Мексико, но никој нема поима зошто не сака да го напушти аеродромот, пишува Франс Прес...

Марсела Силвија Монтано цел ден лута околу аеродромот, а пристигнала на аеродромот од САД уште на 30-ти јуни. Секогаш кога некој се обидувал да и се доближи, таа веднаш протестирала.

Властите не можат да дознаат зошто не сака да го напушти аеродромот. Таа има пасош, мексикански граѓанин, а луѓето ја виделе како повлекува пари од банкомати, што значи дека не е без финансиски средства. И покрај тоа, таа јаде, спие и ја одржува хигиената на различни локации во аеродромот.

Освен тоа, зборува со себе на шпански и англиски јазик, но не создава никакви проблеми.

Полицијата соопшти дека технички не извршила никакво кривично дело и затоа не можат да ја уапсат. Службите се обидуваат да го пронајдат нејзиното семејство, но досега не успеале да стапат во контакт со нив.

Докторот на аеродромот рекол дека веројатно страда од ментално растројство.

Ова не е прв пат да се слкучи вакво нешто во Мексико. Крајот на 2008 година Јапонец поминал 117 дена во мексиканскиот аеродром.