Рег Травис, бившиот дечко на Ејми Вајнхаус е обвинет за силување од неименувана девојка.

Рег Травис, бившиот дечко на Ејми Вајнхаус, ноќта ја преспа во притвор откако полицијата го уапсила во Лондон. Филмскиот продуцент е обвинет за силување, а го обвинила неименувана девојка со која Рег понекогаш излегувал.

Неговиот пријател откри за медиумите дека Травис е тотално згрозен.

„Згрозен е, не може да верува. Иако ја знае, никогаш со неа немал сексуален однос. На судот ќе се докаже дека е невин“, рече неговиот пријател.

Девојката тврди дека Рег ја силувал во јануари, но тој се брани тврдејќи дека сите обвинувања се лажни. Продуцентот беше во врска со Ејми Вајнхаус и сакаше да стапи во брак со неа.