Пејачот за прв пат јавно прозборува за ноќта во очи на доделувањето на Греми наградите во 2009 година и вели дека тоа била неговата најголема грешка за која засекогаш ќе се кае.

Крис Браун вели дека најважно е што Ријана сфатила колку тој се кае и тоа што повторно го сака...

„Таа ноќ беше мојата најголема грешка и ќе жалам што го сторив тоа до крајот на животот. Меѓутоа, најважно од се е што Ријана ми прости, а за тоа морав ‘дебело’ да се потрудам. Луѓето сешто зборуваат и постојано ме напаѓаат, но тие не ме познаваат“, изјави Браун за Mirror.

Тој вели дека слично нешто никогаш повеќе нема да се случи иако меѓу него и Ријана љубовта можеби нема да цвета. „Од таа ноќ научив многу и пораснав. Тогаш бев многу млад и не умеев да се носам со славата. Им благодарам на сите што беа со мене и фановите кои не ми го свртеа грбот.“

И Ријана речиси истото го кажа за Крис во интервју за списанието UK, потврдувајќи дека тој од 2009 до сега многу се променил.

„Тој не е чудовиште за каков што сите го сметаат. Тој е добра личност и има големо срце и секогаш умее да ме насмее.“

Нивната романса, која западните медиуми ја споредуваат со онаа на Боби Браун и Витни Хјустон, наскоро би можела да биде крунисана со брак затоа што Ријана неодамна е „фатена“ со дијамантски прстен.