Лига на Шампиони | Тито Виланова смета дека Барселона потполно заслужено го победила Селтик и покрај тоа што до триумфот дојде во 94. минута од натпреварот...

Селтик синоќа беше на прагот на изненадување на Камп Ноу, но Алба погоди во 94. минута и донесе победа за Барселона.
 
Каталонците влегоа како огромни фаворити во овој дуел, но победија пред последниот свиреж на судијата.
 
И покрај тоа, Тито Виланова вели дека со прикажаната игра тие потполно заслужено стигнале до победата.
 
„Постигнавме гол на крајот но направивме доволно пред тоа за да дојдеме до победата. Имавме шанси, имавме посед на топката" - изјави Виланова по натпреварот.
 
„Тие беа силни на контра напади и доминантни во воздушните дуели. Знаеме дека доколку не бидеме упорно, не можеме да ги добиваме натпреварите".
 
„Бевме свесни за ризикот кој го превземавме, тие можеа да постигнат втор гол, но ние требаше да се обидуваме до самиот крај".
 
„Уште во текот на минатата недела знаевме дека младиот Марк Бартра ќе игра на овој натпревар. Тој е навистина брз и има добра визија за високи топки. Знаевме дека може да ни помогне. Можевме да купиме и уште еден централен дефанзивец, но мојата одлука беше да не го правиме тоа".
 
„По 100 дена на тренерската функција, задоволен сум од тоа како фудбалерите се натпреваруваат и тренираат".
 
„Не е лесно да се играат овој тип на натпревари кога противникот со 11 играчи е во својот шеснаесетник".
 
„Нивниот голман беше одличен, а ја погодивме и стативата".