Англија | Sky Sports пренесува дека дефанзивецот на Монпеље , Мапу Јанга Мбива пристигнал во Њукасл на финални преговори со ’Чавките’...

Се верува дека Њукасл и Монпеље изминатиов викенд постигнале договор за трансфер на 23 годишниот дефанзивец на Сент Џејмс Парк.
 
Последните извештаи велат дека францускиот репрезентативец попладнево пристигнал на ’Островото’ и ќе се сретне со лидерите на Њукасл, кои ќе се обидат да го убедат фудбалерот дека тие се правиот клуб за него.
 
Sky Sports повикувајќи се на свои извори пренесуваат дека ’Чавките’ веруваат дека во следните 48 часа ќе го комплетираат трансферот на Мапу Јанга Мбива.
 
Талентираниот дефанзивец пред почетокот на сезоната силно се поврзуваше со Милан, но Монпеље тогаш не му дозволи на својот капитен да замине.
 
Јанга Мбива, кој неодамна стави потпис на нов договор, исто така се наоѓаше на листата со желби на Арсенал.
 
Претседателот на Монпеље, Луј Николин му порача на Јанга Мбива дека ќе направи голема грешка доколку реши да ја продолжи кариерата во Њукасл, но и покрај тоа, актуелниот шампион на Фрација му даде зелено светло за преселба на Сент Џејмс Парк.