Англија | Евертон му го нанесе првиот пораз на Жозе Мурињо на кормилото на Челзи оваа сезона, Озил имаше одлично деби за Арсенал, Манчестер Сити не успеа да ги освои трите бода од гостувањето кај Стоук...

Евертон со 1-0 го победи Челзи на Гудисон Парк, тоа беше и првиот пораз на Жозе Мурињо во новата сезона од Премиер лигата.

Клучниот момент се случи пред самиот крај на првото полувреме кога Нејсмит со глава ја затресе мрежата на Петр Чех.

Челзи имаше иницијатива и шанси но не успеа да ја затресе мрежата на Хауард.

Свое деби за Челзи имаше Самуел Ето кој не успеа да помогне за избегнување на поразот.

За разлика од Ето, многу повпечатливо деби имаше Месут Озил, кој одигра 80 минути во победата на Арсенал на гостувањето кај Челзи од 3-1.

По одлична асистенција од Озил, Жиру погоди во 11. минута од натпреварот за водство на Арсенал.

По три минути игра во вториот дел, Гарднер од пенал изедначи на 1-1.

Ремизи уште еднаш ја потврди својата одлична форма постигнувајќи два гола за три важни бода на Топџиите.

Мануел Пелегрини има тежок старт на кормилото на Сити, неговиот тим синоќа одигра само 0-0 на гостувањето кај Стоук.

Сити изгледаше немоќно, Граѓаните беа далеку од посакуваното издание.

Нивниот градски ривал, Манчестер Јунајтед го победи Кристал Палас со 2-0.

Пред крајот на полувремето Ван Перси од пенал донесе водство, во 81. минута Руни го постави конечниот резултат.

Победа од 2-0 славеше и Тотенхем, Спарси го победија Норич.

Херој за домаќините беше Сигурдсон кој беше стрелецот на двата гола.

Њукасл со 2-1 победи на гостувањето кај Астон Вила, без победник, 1-1 завршија средбите Фулам - ВБА и Хал - Кардиф.

Извор: 24FUDBAL.com.mk