Англија | Пет години и 55 милиони евра им беа потребни на „Лисиците“ да го изградат тимот кој сега е на чекор до огромно изненадување и триумф во Премиерлигата...



По победата над Саутемптон, „Лисиците“ имаат 7 бода предност на врвот на табелата и на шест кола до крајот, Лестер е на чекор до титулата.

Избраниците на Клаудио Раниери се многу блиску до огромно изненадување, а нивниот успех добива на тежина доколку во предвид се земе и фактот дека овој тим е изграден со само 55 милиони евра.

За стартниот состав на Лестер на последните неколку натпревари составен од Шмајхел, Симпсон, Морган, Хут, Фукс, Махрез, Канте, Дринквотер, Албрајтон, Оказаки и Варди, се потрошени 30 милиони евра.

Само за споредба, Реал Мадрид за Герет Бејл плати нешто над 100 милиони евра, што е речиси двојно повеќе од она што „Лисиците“ имаат инвестирано во својот тим.

Манчестер Сити и Манчестер јунајтед изминатово лето инвестираа повеќе во само еден играч, Рахим Стерлинг односно Антони Марсијал.

Најскапо засилување во овој тим на „Лисиците“ е Шинџи Оказаки, за Јапонецот беа одвоени 10.3 милиони евра.

2015/16
Оказаки (Мајнц) за 10,3 милиони евра

Канте (Каен) за 8,4 милиони евра

Инлер (Наполи) за 5,5 милиони евра

Амартеј (Копенхаген) за 6 милиони евра

Греј (Бирмингем) за 4,7 милиони евра

Хут (Стоук) за 4 милиони евра

Фукс (Шалке) слободен агент

Даер (Свонси) позајмица

2014/15

Ужоа (Брајтон) за 9,5 милиони евра

Симпсон (КПР) за 2,3 милиони евра

Шварцер (Челзи) слободен агент

Албрајтон (Астон Вила) слободен агент

2013/14

Махрез (Ле Авр) за 500 000 евра

Василевски (Андерлехт) слободен агент

2012/13

Варди (Флитвуд Таун) за 1,1 милиони евра

2011/12

Шмајхел (Лидс) за 1,5 милиони евра

Морган (Нотингем Форест) за 1 милион евра

Дринквотер (Манчестер јунајтед) за 850 000 евра

Енди Кинг (Челси) како 15 годишно момче

Џефри Шлуп, дете на Лестер

Извор: 24FUDBAL.com.mk