Италија Горан Пандев е дел од списокот од 19 фудбалери што Рафаел Бенитез ги повика за натпреварот со Палермо но на Сицилија нема да патува Весли Снајдер

Рафаел Бенитез денеска објави кои играчи ќе патуваат на утрешното гостување кај Палермо и помалку изненадувачки Горан Пандев се најде на списокот од 19 фудбалер.

Македонскиот интернационалец заработи повреда на коленото на дуелот со Твенте што се одигра во вторникот.

Во првичен момент се чинеше дека повредата на Пандев е многу сериозна но деталните тестови го отфрлија таквиот песимизам и се најавуваше дека напаѓачот ќе паузира само околу десетина дена.

Но очигледно поранешниот играч на Лацио се опорави многу побрзо од очекуваното и се најде во составот на Бенитез.

Сепак лоши вести за тренерот на Нероаѕурите е неиграњето на Весли Снајдер кој во последните денови се мачеше со ситна повреда откако доби удар во ногата на дуелот со Твенте.

Бенитез исто така нема да може да смета и на младиот Џонатан Биабиани а Тиаго Мота сеуште не е целосно опоравен.

Списокот од 19 повикани фудбалери на Рафаел Бенитез: Жулио Цесар, Кастелаци, Орландони, Кордоба, Занети, Лусио, Маикон, Матераци, Самуел, Киву, Сантон, Станковиќ, Мунтари, Марига, Камбијасо, Кутињо, Ето, Милито и Пандев.

Powered by: 24 FUDBAL.com.mk